मांजरपाडा प्रकल्पाच्या पाण्यासाठी येवला पूर्व भागातील शेतकऱ्यांची कळकळीची मागणी
नगरसुल सायगाव न्याहारखेडे अंगुलगाव गवडगाव डोंगरगावसह पूर्व भागाला हक्काचे पाणी मिळावे नामदार छगनरावजी भुजबळ यांच्याकडे निवेदन
प्रतिनिधी | लक्ष्मण घुगे
राजापूर : येवला तालुक्याच्या पूर्व भागातील वर्षानुवर्षे दुष्काळाच्या झळा सोसणाऱ्या शेतकऱ्यांसाठी मांजरपाडा प्रकल्पाचे पाणी मोठी आशा निर्माण करणारे ठरत असताना नगरसुल सायगाव पांजरवाडी मन्याड थडी,गारखेडा न्याहारखेडे अंगुलगाव गवडगाव डोंगरगाव तळवाडे पिंपळ खुटे यांसह पूर्व भागातील विविध गावांना मांजरपाडा प्रकल्पाचे हक्काचे पाणी मिळावे अशी कळकळीची मागणी शेतकरी बांधवांच्या वतीने करण्यात आली आहे.
या मागणीसाठी योगेश शेठ दांरुटे मयूर खेरनार संतोष नागरे यांनी पूर्व भागातील गावांच्या वतीने नामदार छगनरावजी भुजबळ साहेब यांच्याकडे निवेदन सादर करून या प्रश्नाकडे गांभीर्याने लक्ष देण्याची विनंती केली.
पाणी आमचा हक्क आमची मागणी येवला तालुक्याच्या पूर्व भागातील अनेक गावांमध्ये पाण्याचा प्रश्न वर्षानुवर्षे कायम आहे. पावसावर अवलंबून असलेल्या शेतीला अनिश्चित पावसामुळे मोठा फटका बसतो विहिरी, बोअरवेल आणि शेततळ्यांवर अवलंबून असलेल्या शेतकऱ्यांना अनेकदा खरीप हंगामानंतर रब्बीचीही चिंता सतावत असते.
अशा परिस्थितीत मांजरपाडा प्रकल्पाचे पाणी येवला तालुक्यात दाखल होणे ही पूर्व भागातील शेतकऱ्यांसाठी आशेची नवी किरण ठरली आहे. मात्र हे पाणी केवळ काही भागापुरते मर्यादित न राहता नियोजनबद्ध पद्धतीने पूर्व भागातील शेवटच्या लाभधारक शेतकऱ्यापर्यंत पोहोचावे अशी शेतकऱ्यांची भावना आहे.
तीन पिढ्यांचा दुष्काळ आता तरी पाणी मिळावे पूर्व भागातील शेतकऱ्यांचे म्हणणे आहे की दुष्काळ हा आमच्या पिढ्यान्‌पिढ्यांचा प्रश्न आहे. अनेक कुटुंबांनी पाण्याअभावी शेतीची अनिश्चितता अनुभवली तरुण पिढीला शेतीत भविष्य निर्माण करण्यासाठी पाण्याची गरज आहे.
पाणी उपलब्ध झाल्यास केवळ पारंपरिक शेतीलाच आधार मिळणार नाही तर फळबागा भाजीपाला रब्बी पिके आणि आधुनिक शेतीला मोठी चालना मिळू शकते गावातील अर्थव्यवस्था मजबूत होण्यासोबतच तरुणांना शेतीतच रोजगाराच्या संधी निर्माण होऊ शकतात. बंधारे पाझर तलाव आणि भूजलपातळीला मिळणार आधार मांजरपाड्याचे पाणी योग्य नियोजनाने पूर्व भागातील बंधारे व साठवण तलावांमध्ये पोहोचल्यास त्याचा थेट फायदा शेतकऱ्यांना होण्याबरोबरच भूजलपातळी वाढण्यासही मदत होईल अशी अपेक्षा शेतकऱ्यांनी व्यक्त केली आहे.
पाणी साठवण बंधारे भरले तर त्याचा परिणाम परिसरातील विहिरी आणि बोअरवेलच्या पाणीपातळीवरही होऊ शकतो त्यामुळे एका पाण्याच्या प्रवाहाचा फायदा अनेक गावांतील शेतीला होण्याची शक्यता आहे. शेतकऱ्यांची मागणी स्पष्ट—समान आणि नियोजनबद्ध पाणीवाटप करा. पूर्व भागातील शेतकऱ्यांनी कोणत्याही गावाचा विरोध करण्याची भूमिका न घेता सर्व लाभधारकांना समान न्याय मिळावा अशी भूमिका मांडली आहे.
कालव्यावरील गेटचे नियमन पाण्याचे वेळापत्रक आणि बंधारे भरण्याचे नियोजन प्रशासनाने काटेकोरपणे करावे पाणी वाया जाऊ नये मध्येच अनधिकृतपणे पाणी वळवले जाऊ नये आणि शेवटच्या लाभधारकापर्यंत पाणी पोहोचावे अशी अपेक्षाही शेतकऱ्यांनी व्यक्त केली आहे.
भविष्यातील पिढ्यांसाठी मोठ्या पाण्याचे नियोजन मांजरपाडा प्रकल्पाच्या माध्यमातून सध्या येवल्याच्या दुष्काळी भागाला मिळत असलेला पाण्याचा आधार हा महत्त्वाचा टप्पा आहे मात्र येवल्याच्या कायमस्वरूपी जलसुरक्षेसाठी भविष्यात आणखी मोठ्या प्रमाणात पाणी उपलब्ध करून देण्याचे नियोजन आवश्यक आहे अशी शेतकऱ्यांची भावना आहे.
याच पार्श्वभूमीवर सुमारे साडेनऊ टीएमसी पाण्याच्या भविष्यातील नियोजनाकडेही पूर्व भागातील शेतकऱ्यांच्या अपेक्षा लागल्या आहेत हे नियोजन प्रत्यक्षात आले तर पुढील पिढ्यांसाठी येवला तालुक्याच्या जलव्यवस्थेला मोठा आधार मिळू शकतो.
पाणी आमचा हक्क… न्याय आमची मागणी
मांजरपाडा प्रकल्पासाठी झालेल्या प्रयत्नांचे स्वागत करत असतानाच या प्रकल्पाचा लाभ येवला तालुक्यातील प्रत्येक पात्र लाभधारक शेतकऱ्याला मिळावा ही पूर्व भागातील शेतकऱ्यांची कळकळीची मागणी आहे.
आम्हाला कोणाच्या वाट्याचे पाणी नको आम्हाला आमच्या हक्काचे पाणी हवे मांजरपाड्याचा प्रत्येक थेंब योग्य नियोजनाने शेवटच्या शेतकऱ्याच्या शिवारापर्यंत पोहोचला पाहिजेअशी भावना शेतकरी बांधवांनी व्यक्त केली.
दुष्काळाने अनेक पिढ्या गेल्या आता पाण्यामुळे पुढील पिढ्यांचे भविष्य बदलावे एवढीच पूर्व भागातील शेतकऱ्यांची अपेक्षा आहे
शेतकरी प्रतिक्रिया — योगेश दांरुटे
मांजरपाड्याचे पाणी येवला पूर्व भागातील शेतकऱ्यांसाठी केवळ पाणी नाही तर आमच्या पुढच्या पिढ्यांच्या भविष्याची आशा आहे नगरसुल सायगाव न्याहारखेडे अंगुलगाव, गवडगाव डोंगरगावसह पूर्व भागातील शेतकरी वर्षानुवर्षे दुष्काळाशी संघर्ष करत आहेत आता पाणी उपलब्ध झाले आहे त्यामुळे ते नियोजनबद्ध पद्धतीने शेवटच्या लाभधारक शेतकऱ्यापर्यंत पोहोचणे गरजेचे आहे.
आम्हाला कोणाच्याही वाट्याचे पाणी नको आमच्या हक्काचे पाणी योग्य नियोजनाने मिळावे एवढीच आमची कळकळीची मागणी आहे मांजरपाड्याच्या पाण्यामुळे आजची शेती वाचेल आणि भविष्यातील पिढ्यांना शेतीतच चांगले भविष्य घडवता येईल यासाठी प्रशासनाने टेल-टू-हेड पद्धतीने समान पाणीवाटप करावे.
नामदार छगनरावजी भुजबळ साहेबांनी दुष्काळी येवल्यासाठी मोठे स्वप्न पाहून ते प्रत्यक्षात आणण्याचे काम केले आहे आता या पाण्याचा प्रत्येक थेंब योग्य पद्धतीने वापरून पूर्व भागातील शेतकऱ्यांना न्याय मिळवून देणे ही सर्वांची सामूहिक जबाबदारी आहे. – योगेश दांरुटे शेतकरी प्रतिनिधी
